السلام عليكم ورحمة الله وبركاته...
مساكم الله بالخير أو صبحكم الله بالخير ...
كل يوم عن يوم نكتشف أن أجهزة السمارت فون (الأجهزة الذكية) تصبح أكثر ذكاءا من قبل لو نلاحظ أن الأجهزة صارت تسوي معظم وظائف الكمبيوتر مع أنه في بطىء لكن معظم الوظائف الي تسويها الكمبيوتر موجودة بالأجهزة الذكية على سبيل المثال
ممكن أنك ترسل رسائل أو وسائط أو انك ترسل على البريد الألكتروني ممكن أنك تتصفح الانترنت ممكن أنك تصور بالفيديو أو تاخذ صورة ممكن أنك تدخل الماسنجر وأشياء كثيرة وكلها في أجهزة السمارت فون
لكن السؤال المطروح الآن هل فعلا أجهزة السمارت فون (الأجهزة الذكية) تغلبت على أجهزة الكمبيوتر خلونا ناخذ تجربة مع الجهاز
تحويل الجهاز N95 الى كمبيوتر ؟؟
أول شي يجب التعامل معه هو لوحة المفاتيح والي هي صغيرة مع أن معظم الشركات حاولت جاهدا في حل هذه المشكلة وهو بناء لوحة مفاتيح QWERTY :-
نلاحظ لوحة المفاتيح مصممه نفس مفاتيح جوال ولاحظو الزرين الي باللون الأزرق أكيد عارفينهم (على فكرة هذي متوفرة في المحلات أنا خذيتها من مشاعل الخليج بـ 270 ريال ) هاه وش رايك ؟ يكفي ولا باقي ؟ طيب خلونا نكمل عشان الحين صار عندنا لوحة مفاتيح لكن في مشكلة الشاشة QVGA بـ 16 مليون لون !! لكن صغيرة للأسف وراح تكون مشكلة للي يواجهون قصر نظر
بتقولون ممكن نسوي عملية الزوم وهذي موجودة فعلا في أغلب الأجهزة لكن راح يكون صعب القراءة بحكم الشاشة صارت مثل المشوشة بالأضافة أنك راح تقوم بالتعديل سواء أن كنت تكتب أو غيرها طيب وش الحل ؟ هنا الحل :-
صورة مألوفة ؟ عرفت ولا باقي ؟ أعتقد من يملك أجهزة N95 أو E90 راح يعرف كيف جت ؟ أوكيه المهم ركز بالصورة شوي لاحظ لوحة المفاتيح بالنصف ومافي أي سلك مربوط بينها وبين الجوال لان لوحة المفاتيح واير لس ومتصله مع الجهاز زيها زي السماعات وغيرها المهم أنك تقدر تتحكم بكامل وظائف الجوال من هذي لوحة مفاتيح بالأضافة بما أن الجهاز N95 فيه خاصية TV-OUT فهو متصل مع الشاشة
الأعدادات :-
احنا نعرف لو معاك جهاز N95 ولا الجهاز E90 ولا N93/N93i فيه خاصية الـ TV-OUT و طبعا زي ماأحنا عارفين أغلب أجهزتنا التلفزيون فيها 3 فتحات الي هم الأبيض والأصفر والأحمر وهذا شي قديم (الجديد في تلفزيونات الآن تحمل تقنية البلوتوث انا ماشفت هالشي لكن أنتم شفتو خبروني ؟؟؟؟)
من الممكن أنك تسوي أعدادات لجوالك عشان يشبك معك بدون مشاكل بأتباع التالي :-
أنا جوالي انجليزي
Menu > Tools > Settings > General > Enhancement > TV-Out
اضغط على option وحط على set as default
أذا مافي تلفزيونك هالفتحات الثلاثة أرمه الزبالة خخخخخ( الله يكرمكم) قصدي رح أشتر هالقطعه تراها رخيصة وتفي بالغرض
على فكرة هذي الأعدادات المفروض تكون في جوالك
أذا لنكن صريحين شوي الجهاز أقصد الجوال موب نفس الجودة الي بنحصلها في جهاز الكمبيوتر
وصعب أنه نستبدله بدال جهاز الكمبيوتر ولاننسى أن الناس تبي جوال مو كمبيوتر !!
أفضل مايميز أجهزة السمارت فون(الأجهزة الذكية) هي خاصية TV Out لنفرض أنك مسافر ومافي كمبيوتر من الممكن تشبك جوالك في التلفزيون وتستخدمها للتصفح الأنترنت أو أرسال البريد الألكتروني أو مشاهدة الفيديو
السؤال هل أجهزة سمارت فون بتشوت (بتتغلب)(على) أجهزة الكمبيوتر ؟
طيب احنا قبل شوي أنك لو مسافر ؟ طيب لو كنت داخل بيتك ؟ صحيح أنك ماراح تفكر تشتري جهاز كمبيوتر لأن في كمبيوتر داخل جوالك ؟ لكن أنا بقولك فكر مره ثانيه
الأحسن نبقى على مسمى الجوال فأجهزة السمارت فون( الأجهزة ذكية) رخيصة وغالبا مايكون سعرها في متناول الجميع
في النهاية في اشياء كثيرة وناقصة على أجهزة الذكية أنها بتوصل لأجهزة الكمبيوتر
السبت أغسطس 18, 2007 8:32 pm
